اعشاب ضد السموم

للناس اللى بتطلب خلطة عشبية للسموم
وعندهم حق
لان صعب يخلو علف من السموم
ومعروف ان اى نسبة سموم حتى لو بسيطة تعمل تثبيط مناعى يعنى تحصيناتك ضد الفيروسات مش هتجيب نتيجة زى ما فى بالك
والسموم بتقلل الوزن لانها بتلهب جدا الامعاء اللى هو مسؤل عن الهضم والتحويل
يعنى السموم دى تعتبر من اكبر الاخطار اللى بتقابل الطير
طيب هنقول وصفة عشبية مجربة
بتتحط على العلف
مش على المية
لية على العلف علشان تكون ممتدة التاثير
لية مش على المية ؟
لان المية دايما مشغولة اما بتحصينات او فيتامين او ادوية
فصعب ان جسم الطير يتعرض للخلطة وتجيب نتيجة زى ما جربناها الا اذا كانت مضافة على العلف
الوصفة هى
3 كيلو #كركم
3 كيلو #زعتر
2 كيلو #عرقسوس
على طن العلف
احنا قلنا فايدة كل عشب فى بوست سابق وان كل واحد منهم لة فوايد تانية مش سموم بس
زى الكركم مثلا بيزود خملات الامعاء بالتالى بيرفع الوزن
وزى الزعتر بعتبر من اقوى المضادات الحيوية الطبيعية التنفسية
وان العرقسوس مرطب خلايا ومطلف جيد للحر
وتخيل ان كلهم بيشتغلو كويس على الافلاتوكسين
واجتماعهم الثلاثة بيكونو مضاد سموم قوى
يعنى انت استفدت فايدة مضاعفة لكل عشب
وعلى فكرة ال3 اعشاب بترفع تتر النيوكاسل ودى مجربة فعلا
اشتغل فى عنبرين واحد من غير اعشاب والتانى بالخلطة دى وحصن نيوكاسل
وقيس تتر هتلاقى فعلا بتفرق وهتدعيلى