سلسلة تجارب عشبية فى البياض

سلسلة تجارب عشبية فى البياض
زى ما كتبنا 42 بوست اعشاب فى التسمين
فلو فية قبول هنكمل السلسلة بامر المولى


من اساسيات عملية انتاج البيض

هى عملية اثارة هرمونية بتيجى من المخ وبالتحديد من منطقة الهيبوثلاموس
لافراز هرمون البروجسترون او افراز المباشر لهرمونى ال LH و FSH
الهرمونات دى وهرمونات اخرى هى اللى بتحفز انتاج البيض اما بصورة مباشرة او بصورة غير مباشرة
طبعا الامر بتاع الهرمونات معقد شوية وصعب اننا نحصية هرمونيا
( انا دارس الهرمونات والغدد دى فى 6 محاضرات فصعب نلمها فى سطرين)
كمان مش يهمنا حقليا الكلام دا
بس انا بقولة لية
علشان فى الظروف الطبيعية للمبيض ولعملية التبويض بيكون حركة الهرمونات دى طبيعية
اما مع التدخل البشرى من اضاءة ووتغذية واعشاب النظام بيغير
احنا عاوزين نقطة الاعشاب دى
وهنبدا بالبرنس
بعتبرة برنس الاعشاب فى الدواجن واللى دايما استعملة فى التسمين
الكركم
الكركم
الكركم
تخيل ان الكركم من اهم الاعشاب اللى بتسرع من الافرازات الهرمونية دى
احنا كنا بنستعملة فى البياض وكان بيطول معانا فترة الانتاج وكان بيزود نسبة البيض بس فى البوست دا عاوزين نقول هو بيعمل اية بكلام علمى وحقلى
العلمى
بيقلل من التبويض من 5 الى 6 ساعات يعنى معروف ان العملية كلها بتكون من 23 الى 28 ساعة على حسب كلام كتير
مع استعمال الكركم قللت فترة التبويض دى عارف دا معناة اية؟
معناة زيادة فى الانتاج اليومى للقطيع
وعلشان نفهم اكثر عمل اية الكركم فى المبيض
نشوف الصورتين اللى تحت
هنلاقى مبيض اكل كركم وعلية 7 صفار و2 جريبات يعنى هتتحول لصفار
اما المبيض الاخر 5 صفار فقط مع 1 جريبة
وطبعا دا فعلا انجاز فى انك تعمل تنشيط هرمونى عالى فى انتاج صفار اكثر بمساعدة الكبد بالشكل دا
طيب تجربتى الشخصية كمهندس عاطف
كانت ربع جرام كركم لكل طير لانى عملت التجربة دى وانا بهجن سلالات هنا فى المملكة
لكن تجارب احد الاخوة نص جرام لكل طير علشان تعمل النتيجة دى
انا بدا الانتاج يرفع معايا بعد 28 يوم
والمهندس اللى مزود الكمية رفع انتاجة بعد 22 يوم من استعمال خلطة الكركم
طيب دا بالنسبة للكركم
هل فية حاجة تانية ممكن تفيدنى فى انتاج البيض
ايوة فية
فى احدى التجارب لمعرفة تاثير اضافة الخل فى قطيع بياض
نوع لوهمان
ومعرفة الصفات الانتاجية خاصة فى فصل الصيف او عند تعرض القطعان للحرارة
وكانت حرارة التجربة دى 32 درجة
واتجرب تركيز 200 مل خام على الف لتر
و400
و600
مل خام لكل خزان الف لتر
على فكرة الخل طبعا اللى فى التجربة نقى 100% مش خل البيوت
المهم كانت النتايج جيدة جدا
مع حيث زيادة الانتاج
تحسن جودة البيضة الخارجية والداخلية
حسن جودة الالبيومين وايضا الصفار
يعنى تقريبا ظبط كل الامور المتعليقة بالانتاج
ودا عند كل التركيزات
لاكن تركيز 600 مل كان عامل افضل نتايج عن التركيزات التانية
كانت مدة التجربة 160 يوم
وتم اضافة الخل بعد الاسبوع ال30 من العمر
يعنى الكركم يرفع الانتاج والخل يحسن من صفاتة
طيب هل لربات البيوت حاجة
يعنى فراخهم بتقعد اكثر من سنة وسنتين كمان
فهل فية حاجة تزود الانتاج فى الفراخ الكبيرة سننا دى
هقولك ايوة
كتير من ربات البيوت عندهم فراخ بلدى
وكتير بردة منهم الفراخ دى بتكبر فى العمر
ولان المزارع مش بتحتفظ بالفرخة البياض غير سنة واحدة انتاجية فالتربية المنزلية الطير بيكون معاهم اكثر من سنتين وساعات اكثر
طيب من المعروف ان المبيض بيعجز وانتاج البيض بيقل جدا عن ما تكون الفرخة شباب او فى اول سنة ليها
طيب خد الوصفة دى وادعيلى
اولا هتعمل تدريج على علف بياض يعنى لو بتاكل اكل بيتى اكل علف بياض بالتدريج
وهتيجى على كل شكارتين علف ( 100 كيلو )
وهتخلط نص كيلو كمون مع 200 جرام ملح طعام
الملح بيرفع جدا من كفاءة الكمون وبيعجل من النتيجة
لو محطيتش ملح النتيجة هتتاخر شوية
المهم هتلاقى انتاج البيض فى ازدياد
حجم البيضة اعلى شوية
صعم الصفار اجود واشهى
بس اهم حاجة التدريج فى الانتقال من طريقة علفك الى العلف البياض يعنى مش مرة واحدة
لان تغير العلف المفاجى على اى مبيض بيقلل جدا من الانتاج بل ممكن يوفقة لو العمر كبير
اللهم اجعل عملنا هذا خالص لوجهك الكريم
مع تحياتى وشكرا