استخدام الادوية وتاثيره علي الكلي

كتير من الاخوة المربين بيستعمل ادوية بطريقة مبالغ فيها
مما يعمل على قلة كفاءة الكلية
وايضا كتير من الاعلاف اللتى لا تخلو من السموم الفطرية اللى بتنخر فى الكلية
وايضا كتير من الامراض مش بيرحم الكلية زى الجمبورو والاى بى والسالمونييلا
يعنى تقريبا دا من اكثر الاعضاء اللى فى الجسم مظلوم وكلة جاى علية
وغالبية ادوية الكلية او الغسول الكلوى مش بترجع الكلية لاصلها بسرعة
ونزلنا بوست قبل كدا عن البقدونس وعلاجة للكلية
وكان نص البوست دا
"""
لما تلاقى فية اسهال ابيض
وتيجى تفتح او تشرح تلاقى الكلية وارمة او محتقنة
والحالبين مليانين يورك اسيد
اعمل الاتى
هات 5 كيلو بقدونس ونظفهم كويس
واغليهم لمدة 15 دقيقة حتى خروج المادة الفعالة
وصفيهم كويس
عاوزين منهم 3 لتر عصير صافى مركز
وجوع لمدة 2 ساعة
وعطش ساعة واحدة
ونزل سقوة عبارة عن 1 لتر من العصير على 200 لتر مية
وكرر العملية دى 3 مرات يوميا
وشوف النتيجة وادعيلى
اللهم اجعل عملنا هذا خالص لوجهك الكريم

طيب
الناس بتقولى ان تقطيع وغلى البقدونس امر شاق
فخلينا نعمل تركيبة مجربة
تعمل بكفاءة وسهل شغلها
وبالاضافة الى فايدة كل عنصر من افراد التركيبة
فاجتماعهم مع بعض بيصلح ما خرب فى الكلية
التركيبة
1.5 كيلو ثوم طبيعى مش بودرة
1 ك خميرة خبيز
و1 كيلو حلبة
لكل 100 كيلو علف
الثوم اصلا منطف بكتيرى لاى ميكروب كلوى
والخميرة بتحسن اى اثر لاى سموم كلوية
والحلبة بتوسع من الفصوص الكلوية
اجتماع ال3 سويا يعمل الاتى
اتساع حالة الحالبين
تحسين طلائية الكلية
تحسن حالة الانابيب الكلوية
تحسن حالة فصوص الكلية
يعنى تركيبة بتشتغل على كل مكونات الكلية بحيث تصلح ما خربة الادوية والامراض
اعملها حتى لو وجبة ليلية لمدة 2 ساعة قبلها 1 ساعة تجويع
وبعد 5 الى 7 ايام
شوف تاثيرها على الكلية
بنحاول نستغنى عن الادوية الكيمائية قدر المستطاع بتركيبات طبيعية مجربة
لعلنا نساهم فى ان المستهلك ياكل لحم نظيف
اللهم اجعل عملنا هذا خالص لوجهك الكريم