فنيات تربية الدواجن :غدة هارديريان

مناعى حقلى
كتير من الاخوة المختصين عارفين غدة #هارديريان
واللى مش عارفها هى غدة مناعية موجودة قريبة من العين
واحد هيقول يا عم احنا مش عاوزين كلام فسيولوجى احنا عاوزين كلام حقلى
حاضر يا سيدى انا بس بعرفك مكان الغدة علشان تاخد المعلومة كاملة
طيب العين فى الدواجن تعتبر منطقة حساسة لكثير من الظروف
يعنى خلل فى الامونيا ياثر عليها
شوية رياح محملين باتربة تاثر عليها
رد فعل تحصية اقوى من تحمل الطير ياثر عليها
شوية ميكوبلازما تاثر عليها وكذالك شوية كولاى
طيب لية كل الكلام دا
؟؟؟؟؟؟؟؟؟؟؟؟؟؟؟؟؟؟؟؟؟
علشان زى ما قلنا اكثر من مرة فى اكثر من بوست عن اهمية وافضلية طريقة التقطير فى العين لجميع التحصينات التنفسية
فهنقول لو العين متاثرة بسبب اى من الظروف اللى قلناها بلاش تجازف وتقطر
ولا حتى ترش للان الرش لة طريقين الانف وبردة العين
مش معنى كدا انى اقولك سيب الطرق الاكثر مناعة دى وحصن مية
لا
انا بس بعرفك ان الحفاظ على العضو المهم دا لة دور عالى فى التحصينات التنفسية ( #اى بى - #نيوكاسل - #انفلونزا )
وعلى فكرة حتى لو حقنت ميت سواء نيوكاسل او انفلونزا وكانت #العين #محمرة او #محتقنة او فيها اى #كونجنكتفيتس بردة التحصين مش هيكون بالكفاءة اللى انتى متخليها
لسبب علمى معروف جدا
هو ان غدة هاردريان دى بتفرز الجلوبيلولين A ودا لة اكبر دور فى تكوين مناعة النيوكاسل والانفلونزا
يعنى لو العين فيها مشاكل بالتالى الغدة اللى جنبها هتتاثر بالتالى #الجلوبيولينات اللى خارجة منها هتتاثر
مع ان فية مدرسة بتقول ( هنقولها من باب الانصاف )
ان #غدة هارديريان دى بتحمى نفسها عن طريق الافرازات المخاطية اللى بتطلع منها
لاكن هنبعد عن الشر ونغنيلة
يعنى لو كانت المدرسة دى صحيحة او مش صحيحة فانا مش هخاطر بتحصينة مهمة فى وقت عصيب زى اللى بنمر بية
خلاصة القول
ظبط الرعاية ( #امونيا - #تهوية - #اتربة )
خلى بالك من عدوى العيون زى ( #كولاى و#ميكوبلازما )
علشان #تحصيناتك #التنفسية تشتغل باعلى كفاءة
اللهم اجعل عملنا هذا خالص لوجهك الكريم مع تحياتى وشكرا