وقت التظهير والجماعة عشاق الفورمالين

مشكلتين بيعانى منهم المربين فى فترة البرد دى
اول المشكلة
هى وقت التظهير والجماعة عشاق الفورمالين
قلنا قبل كدا الفورمالين مش بياثر ولا بيجيب نتيجة الا اذا اترش فى حرارة على من 26 الى 28
وكثير من الناس مش بتاخد بالها من الحرارة وقت الرش
وفى الجو اكيد الحرارة اقل من كدا
فانتبة للموضوع دا
لازم رفع الحرارة اثناء التطهير علشان تاخد نتيجة
___________
المشكلة التانية
ان الغالبية بيعمل الحضانة ضيقة علشان يعرف يتحكم فى حرارة التحضين
وخايف يوسع الحضانة خوفا على التدفئة
الموضوع دا فى قمة الخطورة
خطورتة متمثلة فى
بتعمل سردة فى الفترة الاولى
بتاخر نمو الجهاز الهضمى وخاصة بطانة الامعاء اللى هى مهمة جدا فى النمو
بياخر من الوصول لوزن اليوم السابع اللى بناء علية بتعمل وزنك اخر الدورة
بتزيد من رطوبة الفرشة ودا هيعجلك بامراض الرطوبة ( كوكسيديا - كولستريديا )
هتبدا الاسهالات البنية معاك وصعب انها تختفى مهما عملت
وقت التحصينات هتزود من ما يسمى الجيب المناعى اللى اتكلمنا عنة بالتفصيل فى بوستات سابقة
واللى هى اول ما يصيب العنبر لما تيجى اصابة فيروسية
اذا حصل اى مرض بيكون اشد على القطيع من الوضع العادى
خلاصة القول
متفكرش فى توفير التدفئة على حسب نحاج الدورة
لا تقل مساحة التحضين عن 25% من المساحة الكلية
يعنى ربع العنبر
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم