اخطاء يقوم بيها المربى تدمر الدورة

اخطاء يقوم بيها المربى
وصعب ان الدورة تنجو منها
كل يوم هنقول خطا لعل الناس تحذر منة
الاول
تعليف اى علف متخزن من الدورة السابقة
وفى نفس الوقت كان الكتكوت جاى من معمل تفريخ بعيد او فاقس من فترة وحصل عندة جفاف ( زغب البطن واقف - تغير فى لون الساق الى الابيض المصفر - كبر حجم الراس عن المعقول بالنسبة للجسم - حالة عرج من رجل واحدة او حتى من الرجلين بشرط ان الرجل دى نحيفة
كل دى علامات جفاف الكتكوت
اذا حصل والكتكوت دا اكل علف متخزن فصعب جدا السيطرة على الدورة او الحصول على اوزان معقولة
والنافق هيستمر لفترة لا تقل عن 15 يوم متواصل
الخطا الثانى
اصوات تنفسية عالية مع لف الرقبة والتشخيص الخطا على انها نيوكاسل فى حين انها عدوى مختلطة انفلونزا مع اى بى
وصحاب المزرعة قال ان التقطير افضل طريقة فقام مقطر لاسوتا
فى الحالة دى صعب السيطرة على النافق
ودى حصلت قبل كدا والله يكون فى عون صاحب المزرعة
الخطا الثالث
نفس الحالة اللى فاتت وكان التشخيص غلط والمشرف فكرة crd وحقن جنتا وسيفوتاكس وكانت الكلية متاثرة بسببب الاى بى
وطبعا العلف لا يخلو من بعض السموم وخاصة الاوكراتوكسين
فى الحالة دى صعب جدا حصر النافق
اتمنى ناخد بالنا من الاخطاء دى ونكون حريصين واحنا بنشتغل
اللهم اجعل عملنا هذا خالص لوجهك الكريم
مع تحياتى وشكرا