رائى الشخصى فى تحصينة الجمبورو فى العشرينات

رائى الشخصى فى تحصينة الجمبورو فى العشرينات
شوف يا افندم
انا من 21 سنة دواجن
دايما ارى #الجمبورو من 18 الى 32 يوم
طيب لو اخذنا اكبر عمر للاصابة اللى هو 32 يوم
وفترة حضانة المرض من 3 الى 5 ايام بمتوسط 4 ايام
يعنى المرض دخل على 28 علشان يبدا النافق والاعراض على 32
طيب تحصينة الجمبورو بتشتغل بعد 6 الى 8 ايام بمتوسط 7 ايام
وبيستمر التحصينة شغالة الى 12 يوم وبكفاءة عالية 10 ايام
يعنى على ما التحصينة تشتغل مع فترة شغلها
7 +10 = 17يوم
واقصى اصابة حقلية فى التسمين على عمر 28 يوم
يعنى 28 - 17 = 11 يوم
بمعنى اخر
لو حصنت على عمر 11 يوم هيبدا يكون مناعة على 18 يوم
هتستمر المناعة دى عالية لمدة عمر 28 يوم
طيب انا دايما بنصح باخر تحصينة اما على 15 او 16 باقصى تقدير
فهتكون مناعة على 21 يوم وهتستمر المناعة عالية الى عمر 32 يوم اللى هو اقصى اصابة
طيب الناس اللى حافظة معلومات قديمة من زمان ومتوارثاها من زملائها
اقنعنى لية بتحصن على عمر 22 او 23 يوم؟؟
كلامى على التسمين لان الامهات والبياض لهم حسابات اخرى
الساسو و#البلدى المجهن الحسابات بتزيد شوية لكن لا تختلف كثير
يعنى اقصى حاجة فى #الساسو تحصينة 18 جمبورو
هلاقى اسئلة
اية افضل برنامج حمبورو
هقولك البرنامج اللى لم يخذلنى طوال شغلى ولا مرة
تحصينة عترة متوسطة على 7
وعترة فوق متوسطة على 14
شرط لنفس الشركة علشان نفس طريقة الاضعاف
شرط نفس الشركة
شرط نفس الشركة المنتجة للتحصنتين
الدواجن فهم وتعلم من الطير ومواقفك الحقلية
مش كلام تاخدة من زميلك اللى هو واخدة من كتاب قديم وانت تعتبرة قانون سارى فى كل زمان ومكان
الله اجعل عملنا هذا خالص لوجهك الكريم
مع تحياتى وشكرا