نظرة بين النظرى اللى درسناة فى الجامعة والواقع الحقلى

نظرة بين النظرى اللى درسناة فى الجامعة
والواقع الحقلى
هنستعرض كل فترة فروق بين النظرى والواقع فى المزراع على هيئة سلسلة من البوستات ما تيسر لنا من الوقت
اول محاضرة اخدنها كانت عن النيوكاسل
وقالو ان النيوكاسل
5 انواع
نيوكاسل #حشوى او #معوى Viscerotropic velogenic
ودا بيكون شرس وبيعمل اعراض معوية ونافق عالى ومعظم اعراضة بتكون انزفة معوية فى اكثر من مكان وتقريبا الكل عارف الكلام دا
(#سيكال تونسيل - #باير جلاند - #قمم الغدد فى المعدة الغدية - السطح الخارجى للامعاء )
وفية
#نيوكاسل عصبى Neurotropic velogenic
ودا شرس بردة جدا
وبيكون اعراضة #عصبية من الدرجة الاولى ( #شلل فى الرجل - #التواء فى #الرقبة وما الى ذالك من الاعراض العصبية )
وبيكون بردة فية اعراض تنفسية ملحقة بية
لاكن نادر لما بيكون فية اعراض معوية
#نيوكاسل_متوسط_الضراوة Mesogenic
ودا واضح من اسمة انة قليل النافق والخساير
يعنى شوية اعراض عصبية مع تنفسية ونافق قليل
وفية
#نيوكاسل_ضعيف_الضراوة Lentogenic
ودا عبارة عن اعراض تنفسية ضعيفة فى الجهاز التنفسى
واخيرا
نيوكاسل Asymptomatic enteric
ودا معوى بس تقريبا مفيش اعراض واضحة منة
يعنى يادوب اعراض معوية تكاد لا تذكر
طيب دا الكلام النظرى
طيب
انا كنت زمان بعد التخرج
كنت ممكن الاحظ كل الحالات دى
بما فييهم المتوسط وضعيف الضراوة والمعوى الخفيف
لكن اخر 15 سنة شغل
اختفت الانواع دا
طبعا مش اختفاء يعنى مش موجودين
موجودين لكن مع دخول امراض تانية او سموم او رعاية ضعيفة
تحولت جميع انواع النيوكاسل الى ضارى وخسايرة عالية
كنا زمان اى نوع نيوكاسل بمجرد ما انزل الكولون رش يقف النافق بعد 12 ساعة عارف لية؟
لان كان الجسم نظيف لا سموم ولا اعراض تنفسية اخرى
وكنا بنصنع العلف على ادينا وبنحط فية كل الاضافات
ولما نشوف حالة نيوكاسل متاخرة كنا نرش الكولون وبردة نحصن فى المية
والنافق يقف بعد 24 الى 36 ساعة
الان كل الكلام اتغير
على حسب المستجدات
ولا ذال الكلام النظرى زى ما هو
والى اللقاء مع مفارقات النظرى عن الواقع الحقلى
اللهم اجعل عملنا هذا خالص لوجهك الكريم
مع تحياتى