عاوز طوال السنة تشترى كتكوتك بجنية واحد

عاوز طوال السنة تشترى كتكوتك بجنية واحد
مقابل اشتراك لمدة سنة ونص مقدراة 8 الاف جنية؟؟
عاوز علفك يقل بمعدل 550 الى 720 جنية لطن؟
عاوز عمالة باجر رمزى جدا وهيشتغلو بحرفية وهم مبسوطين؟
عاوز تبيع فراخك بسعر اعلى من السوق 2الى 3 جنية؟؟
انت فعلا عاوز دا كلة؟
تصدق انك طماع =D =D =D
طيب تعالى نحط خطة داجنية للناس اللى فقط تحب بعض وتنبذ مبدا الانا ( حب الذات )
ونحب تاخد الاية ( واعتصمو بحل الله جميعا ولا تفرقو ) بنية صادقة لله
المطلوب هو الاتى
== 7 مزراع فى منطقة واحدة
== عدد واحد مهندس امهات خبرة فى التجانس على اى يكون خريج قسم دواجن وعندة خبرة فى التلقيح الصناعى
== غرفة كبيرة اى عنبر مصغر مساحتة 130 متر مربع فقط اقفاص او بطاريات
حددنا طلبنا
تعالى نكمل باقى الخطة الانتاجية
طبعا كل عنصر من دول محتاج كتاب لوحدة
بس لا الوقت او الفراغ هيساعدنا ولا الناس عاوزة تقرا كتب
الاول هنشتغل امهات بالتلقيح الصناعى مثل ما هو ملحق بالصور كدا
1200 ام فقط تربية عمر يوم
هيتكلفو تقريبا على حساباتى وقت اجازتى بمصر 67 الف جنية فترة التربية فقط
هيحتاجو غرفة 130 متر مربع بطاريات فقط 4 ادوار عمولة او جاهزة
هيخدمو 7 عنبار كل عنبر 5 الالف طير
يعنى كل دفعة كتاكيت كل اسبوع على حساب متوسط 75% انتاج و80% فقس
وفية زيادة 500 كتكوت نسبة نافق
كل اسبوع تسكين عنبر
يعنى دورتك 7 اسابيع
مصروف انتاج كتكوتك اليومى لا يتعدى 1 جنية
من سعر طن علف انتاج 3780 جنية
وتعليف يومى اقصاة 160 جرام لكل طير
‫
+++++++++++++++++
علفك هتصنعة عندك
اما تعمل مدشة وخلاطة سعة 2 طن تخدم ال7 عنابر او مربين
او كل واحد يعملة واحدة سعة نص طن
عمولة ( كنت عاملها قبل السفر)
الخطوة دى هتفيد فى الاتى
علفك هتصنعة بنفسك
(( خد اى تركيبة من اللى كتبتها على الجروب)
علفك اقل فى السموم
علفك اقل من 500 الى 700 جنية عن الجاهز
علفك تقدر تضيف علية خلطة الاعشاب بتاعة الفيروسات
بس بمجرد ما تحطة فى الخلاطة هيتخلط خلط متجانس ( فضلت 5 سنين فى مصر شغال كدا )
ممكن حد يقولى الدورة هتتاخر لو مش اكلت علف محبب
هقولة اقصى تاخير بيكون من 2 الى 3 ايام فى الشغل العادى
فى حين انى لما كنت بشتغل بخلطة الشعير والخميرة اللى كتبتلها بوست مخصوص قبل كدا كنت ببيع مثل المحبب او بوفر يوم الى يومين كمان
‫
++++++++++++++++++++++
العمالة
هنا احنا عاوزين مش نوفر فقط بل نخدم المجتمع ونخدم الخريجين
كتير جدا من طلبة كلية الزراعة وبيطرى مش عندهم ادنى مانع انهم يتعلمو الشغل الحقلى
وعاوزين يشتغلو عمال
( ودا مش عيب )
العيب انك تكون خريج فى مجال تخصصك والعامل بيعرف يحقن ويعلف ويسقى ويهوى وتحضين وحرارة ورعاية فرشة وفنيات اخرى
الاجراء دا هيفيد المنظومة بتاعتنا فى توفير راتب العامل يعنى هيكون فقط راتب رمزى
وهيفيد طالب زراعة انة هيكون تفضل من زملائة او ما يشتغل فى شركات لان النظرى والعملى عندة
وهيفيد البيطرى انة اذا اشتغل معمل او مشرف او شركة هيكون الجزء العملى اللى مش بتوفرة الكلية عندة مكتمل وبثقة هيكون مميز عن زملائة اللى واخدين المهنة نظرى فقط
وهتكون خدمت مجتمعك ان خرجت جيل من الطلبة دراستهم النظرية مطبقة عمليا
ودى هتعرف تاثيرها على المجتمع بعيين
‫#‏كدا_وفرنا_فى_العمالة_واخرجنا_للمجمتع_جيل_محترف_فى_تخصصة‬
+++++++++++++++++++++++++++++++
طيب السوق بيتحكم فينا
صح؟
احنا اللى ممكن نتحكم بعد كدا
لما نلغى الوسيط
هنقوم بالاتى
هنتصل على شركة مصر للمجازر
( مندوبها موجود معانا على الجروب)
وهنعمل وحدة مصغيرة جدا من سير ذبح الى نصف يدوى
حتى لو 100 الى 200 طير فى الساعة
وسوق منتجك بنفسك
اولا مش هتبيع بسعر السوق
ثانيا هيكون مشروع بجانب مشروعك
ثالثا هترحم المواطن من الاسعار المبالغ فيها لانك هتبيع بهامش ربح يرضى الله ويكسبك وكمان يخفف كاهل المستهلك اللى اثقلة الغلاء
+++++++++++++++++++++++
موضوع الفيروسات
هتاخد خلطتنا المجربة واللىل نجحت مع 9 مزارع من اصل 10
يعنى نحاجها نسبتة 90%
(نعناع - خزامى - ميرامية - ثوم زعتر )
هاتها من البوست الاصلى على الجروب
وبالله عليك اتعب نفسك وهاتها من مربع البحث
الخطة الانتاجية مش خيالية
الخطة الانتاجية سهلة التطبيق فى بس طبقنا فكرة التكتلات
الخطة الانتاجية بصدق منجية من الخسائر
احب اضيف حاجة علشان بامر الله لا يحدث خسائر
اعزم بينك وبين نفسك وبينك وبين ربك
ان كل 1000 جنية مربح اطلع 100 جنية لفقراء القرية اللى حوليك
بدون تشهير او اعلان خليها فى الخفاء
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم