علاج الكلوستريديا بالخل

الخل المركز بمعدل 1 سم لكل 3 لتر ماء شرب مع كبريتات النحاس بمعدل 0.25 جم لكل لتر ماء شرب من الاشياء التى تاتى بنتائج ممتازه فى علاج الكلوسترديا.
طريقه عمل مضاد سموم

معلومه مهمه جدا للناس اللي بتدور علي مضاد سموم وغسول في نفس الوقت ويكون قوي وكفائه وابن ناس ومحترم .... بعض المربيين بتقول انا بستعمل الخل وبيؤدي نفس الوظيفه .. ولكن الخل اللي موجود في محلات البقاله تركيزه 5 % وده كويس للاكل ولمعده البني ادمين ...لكن عشان تستخدمه للفراخ لازم تظبط جرعته .. كالاتي ::

شوف يا معلم .. فيه خل عالي التركيز. تركيزه 100 % وده جرعته 1 سم لكل عشرين لتر من ماء الشرب ... وده بيشتغل ذي اقوي مضاد سموم واقوي غسيل ...
والخل ده غالي شوية وغير متوفر ذي خل الاكل ..
وعشان تخلي الخل العادي اللي هو 5 % يشتغل بكفائه لازم تستعمله بجرعة 20 سم لكل لتر
خلي بالك انا بقول عشرين سم مش 2 سم
يعني تستعمله بجرعه 1000 سم لكل 50 لتر ماء
يعني لتر خل لكل 50 لتر ماء شرب
يعني لو واحد بيسقي 400 لتر هايستعمل خل عادي 8 لتر علي السقوه الواحده
لمده يومين او تلاته بالكتير عشان ميرفعش الحموضه اوي وتحصل مشكله
وبكده لو رفعت الحموضه بالطريقه اللي قلناها دي هايقلل مشاكل الكلوستريديا والسالمونيلا في جسم الدجاجه : فيه مضاد سموم عضوي وفيه بيولوجي .... العضوي بيبقي عباره عن مجموعه احماض عضوية مثل حمض الخليك وحمض الستريك وحمض البروبيونيك وغيرهم من الاحماض الليبتدي ريحة الخل لمضاد السموم .. وهناك البيولوجي وده اقوي واشد وبيزيد عليه انه بيحتوي علي لاكتيس بازيلس سيرفاسي ..من افضل مضادات السموم الموجوده هو
Toxnil plus
Sinar Tox
MC Plus
Pharmatox

والغسيل الكلوي ومنشط الكبد بيحاول يغسل السموم الموجوده في الكبد وبينشط الكليه اللي بتكون اتدمرت من كتر اكل البروتين العالي وكده طول الوقت ..... من اشهرهم الرنيل او الهيبرين او الهيماتون جي او السورتينيل وغيرهم كتير ..