التجارب العشبية والغير كيميائية لمربى البياض كما فعلنا فى التسمين

هننزل بعض التجارب العشبية والغير كيميائية لمربى البياض كما فعلنا فى التسمين
لعلنا نخرج بانتاج بيض للمستهلك نتقى الله فية يكون خالى من اى ترسيبات دوائية وقليل فى الكولسترول وبعض الفوايد الاخرى
اتعملت اكثر من تجربة على اكثر من سلالة
علشان نعرف هل الوصفة مناسبة لكل السلالات ام سلالة معينة
التجربة عن الخميرة فى البياض
استعملت بمعدل 4 كيلو على الطن
على العلف وليس على المية
كعادة غالبية المنتجات الغير كيمائية ( استعمالها فى العلف بيعمل اعلى فايدة عن استعمالها فى مية الشرب )
تم التجربة على قطيع بوفانز
كان النتيجة زيادة فى الانتاج بنسبة 2% فى مرحلة البيك الانتاجى
وزيادة 3%بعد البيك
وزيادة 4% لما الفرخة بتكبر يعنى بعد ال58 الى 62 اسبوع
وتم التجربة على قطيع لوهمان
كانت النايج اقل شوية من البوفانز لكن كانت اعلى من الكتالوج
واتجربت فى الايزا البنى
كانت النتايج قريبة من البوفانز
تقريبا عملت زيادة فى كل السلالات الثقيلة زى اللوهمان حوالى 2 الى 3% الانتاج
وكل السلالات الخفيفة عملت زيادة فى الانتاج تتراوح من 3 الى 5% عن الكتالوج
وجميع السلالات مشتركة فى ان الكسر قل جدا
ونسبة البيض المشروخ قلت
وكان تاثير الخميرة واضح جدا على ترسيب الكالسيوم على القشرة
وبردة بعد فحض الكولسترول اتضح ان نسبتة قلت عن الطبيعى بسبب الخميرة
التفسير
ان الخميرة زودت الفلورا المعوية والبكتيريا النافعة فى الامعاء فعملت هضم وتمثيل عالى للكالسيوم
ووالبروتين
وكمان عملت تحفيز جيد للهرمونات المنتجة
بكدا ممكن نضيف فايدة للخميرة
يعنى زى ما كتبنا انها لها جرعة مخصوصة لتقليل السموم
وجرعة لزيادة الوزن فى التسمين وجرعة وجرعات اخرى لكل غرض علشان نعمل اعلى استفادة منها
فافضل جرعة فى البياض هى 4 كيلو على الطن
وممكن نذكركم ب البوست اللى نزلة المهندس عاطف عن الجرعات للخميرة والاستعمالات الخاصة لها
كان نص البوست كالاتى
_____________________________________________
_______________
إستخدام الخميرة
أولا تستخدم كمنشط نمو
ودى بجرعات 2 ك على الطن طوال الدورة
ثانيا مصدر غذائى غنى بمجموعة فيتامين ب واحماض امنينة اهمها الايسين
علشان كدا بتزيد الوزن وبتساعد على ترييش جيد سواء فى الامهات او التسمين او البياض دا لو استعملت ب جرعة 5 ك على الطن
ثالثا للخميرة دور وقائى
لانها تحفز نمو بكتيريا اللاكتيك اسيد
فبتعمل وسط حمضى فى الامعاء والوسط دا بيمنع نمو البكتيريا المعوية زى الكولاى والسالمونيللا
كمان وجود البكتيريا النافعة دى بيشغل مستقبلات الجهاز الهضمى وبالتالى بيمنع البكتيريا الضارة ودى بجرعة 3 ك على الطن
رابعا للخميرة فايدة هامة فى بناء جداء الجهاز الهضمى خاصة بعد الاسهالات او السموم
ودى بجرعة 6 ك على الطن
خامسا للخميرة فوايد مناعية
لان 75% من الخلايا المناعية بتاعة الطير موجودة فى جسم الامعاء
ووجود الخميرة بيحافظ على الخلايا المناعية دى
سادسا اهم مادتين رافعين للمناعة ومضادين للسموم
هما المانان اوليجوسكاريد
و
والجلوكومنان
مصدرها الاساسى جدار خلية الخميرة وفى الحالة دى بتضاف على العلف بجرعة 8 ك على الطن
سابعا مصدر تقوية لاى مضاد سموم ودا باضافتة بجرعة 10 ك على الطن
ثامنا اضافتة بجرعة 20 ك على الطن منع الاصابة بالافلاتوكسين
يا جماعة ملحوظة هامة
هامة
هامة
كل الفوايد دى ممكن تحصل عليها لو اضيفت على العلف
لانى عارف ان معظم الكلام هيكون (( طيب انا بشترى علف جاهز))
لو عاوز تشتغل مية
لازم يكون عندك جرعة يومية حتى لو ساعتين تكون زى تحصينة كدا
يعنى عطش 1.5 ساعة واعطى الجرعة بتاعة الخميرة
اما عن الجرعة فاختار العرض اللى انت عاوزة وحط الجرعة زى ما احنا كاتبين فى البوست
مع تحياتى وشكرا
مهندس عاطف عبد الدايم
_____________________________________
________________
بكدا يكون عندنا موضوع كامل عن الخميرة بكل جرعاتها سواء فى التسمين او البياض
لو لقينا تشجيع نكمل بوستات الشغل غير الكيماوى فى البياض
اللهم اجعل عملنا هذا خالص لوجهك الكريم
مع تحياتى وشكرا