حل لمن يشتكي من عدم وصول الوزن المطلوب بعد انتهاء غالبية التحصينات

اللى بيشتكى من عدم وصول الوزن المطلوب بعد انتهاء غالبية التحصينات
يعنى بعد انتهاء الاسبوع التانى
هتعمل الاتى
بعد تحصينة الجمبورو بتاعة 14 يوم
وتكملة اليوم فيتامين
على اليوم ال15 و16
هنضف الامعاء الاول
8 ساعات باى كوكس او اى بديل 3 مل على اللتر
8 ساعات اموكسى 3 جم على اللتر
8 ساعات دى توكس 2 مل على اللتر
وبداية من اليوم 17
هنخلط نيودايجستين بشرى بمعدل 3 مل على اللتر
مع 8 جرام خميرة خبيز على اللتر
مع منقوع شعير بمعدل 10 مل من المنقوع
( 1ك شعير هتنقعة فى مية دافية مش سخنة لمدة 24 ساعة فى 5 لتر مية )
مية النقع دى هتحط منها ال10 مل دول
الخليط دا لمدة اسبوع كامل ليلا
وخلى النهار بباقى المعاملات بتاعة الدورة عادى
يعنى من عمر 17 الى 27
وهتريح 5 ايام الى عمر 32
وتكمل بية لاخر الدورة
العلف
هتبشر ثوم مع بصل بنسبة 1الى 2 بالترتيب
بشر يعنى قطع صغيرة مفرومة مفرولة مش عصير ولا قطع كبيرة
وهترسها على سطح العلف 3 مرات فى اليوم
بردة بنفس الطريقة 7 ايام متواصل
ريح 5
كمل الى اخر الدورة
هتلاقى فرقت معاك الاوزان بفضل الله
بس لازم المحافظة على المعوى نظيف طول فترة المعاملة
على فكرة دا كلة شغل طبيعى يعنى مفيش منة ضرر
مع تحياتى وشكرا

بناء على رغبة الاعضاء ومنهم واحد حبيبى ومقدرش ارفض لة طلب
ازاى ترفع الوزن فى العمر الاخير
خاصة اخر اسبوع من الدورة
هتيجى حضرتك تظبط الجدار المعوى لان سلامتة من سلامة الهضم
بالخلطة دى
8 ساعات باى كوكس او نفس المادة الفعالة 3 مل على اللتر
8 ساعات اموكسى 3 جرام على اللتر
8 ساعات دى توكس 2,5 مل على اللتر
الكلام دا قبل انتهاء الدورة ب 8 ايام
لمدة 48 ساعة
وبعد ما اطمنا لان الامهاء ممكن تستقبل
هنحط على المية الخلطة الاتية
10 جرام خميرة جافة
3مل ديجستين بشرى
7 مل منقوع شعير
لكل لتر مية
طوال الليل
والعلف كل عدد 2 شيكارة علف هتخلط عليهم الاتى
2 ك حمص محمض وليس طازج
2 ك حلبة
3 ك عسل اسود
2 ك ثوم
بس لازم التجانس الجيد والخلط
اعمل علفة الصبح
وكررها فى الليل
وشوف الوزن هيفرق معاك كم جرام بالمقارنة بكل مرة
مع تحياتى وشكرا