هل فيروس النيوكاسل قوى او بيثبت كفاءة وسط الامراض؟

هل فيروس النيوكاسل قوى او بيثبت كفاءة وسط الامراض؟

هل تحصينة النيوكاسل قوية وقادرة على احداث المرجو منها فى وجود اى فيرس اخر

؟

هل فية علاقة بين تحصينة الجمبورو والنيوكاسل ما مدى تاثيرهم على بعض؟

هل فية علاقة بين تحصينة الاى بى والنيوكاسل وما مدى تاثيرهم على بعض؟

اخى المربى
اخى المشرف
تحصينة النيوكاسل قوية فقط على الطير ضعيفة جدا اما اى فيرس اخر
لو اتكلمنا بالتفاصيل الفيرولوجية مش هتكفينا ليلة كاملة كتابة
لكن تعالى نختصر وناخد رؤس اقلام او عناوين فقط
اولا
تحصينك الجمبورو مع النيوكاسل فى نفس المية
يعتبر هلاك لتحصينة النيوكاسل دون اى تاثير على تحصينة الجمبورو
كنا زمان بنحصنهم مع بعض ولم نكترث للامر
لكن لما حاولنا نكمل الخبرة الحقلية وناكدها بالشغل المعملى
وجدنا العجب العجاب
خاصة فى مثل هذة الايام اللى الفيروسات فيها بتعلن الحرب البيولوجية على صناعة الدواجن
حصنا التحصينتين فى مية واحدة
كانت النتيجة تتر عالى للجمبورو فى حين ان النيوكاسل اللى كان بيعمل اليزا معانا فوق ال13 الف
عمل حوالى 3الالف فقط
تخيل مدى الضعف
تخيل مدى سحق تحصينة الجمبورو لتحصينة النيوكاسل
كتبنا بوست سابق للمهندس عاطف عبد الدايم عن التفسير العلمى الفيسيولوجى للموضوع دا
وللتذكرة
ان تحصنة الجمبورو علشان تشتغل لازم تعمل تاثيرات على الغدد المناعية منها البيرسا والطحال
والغدد دى هى تعتبر النواة الاولى لاى تحصينة
طيب الغدد متبدهلة نتيجة رد فعل الجمبورو فاكيد مش هتلتفت لاى تحصينة تانية
طيب هل الكلام دا يسرى على الجمع بين التحصينتين فقط
؟
اقولك
لا
حتى لو سبق تحصينة جمبورو للنيوكاسل بايام تقل عن 5 ايام
حصنا جمبورو على 10 وهتشنر على 13 وكان تتر النيوكاسل 3 ( HI )
مرة اخرى حصنا جمبورو على 9 ولاسوتا على 12 وكان التتر 4
فى حين اانا عاوزين اقل حاجة من9 الى 12 (HI )
يعنى حتى لو سبق الجمبورو للنيوكاسل فمناعة اللنيوكاسل بردة ضعيفة
لكن العكس ليس بصحيح
يعنى النيوكاسل يسبق الجمبورو فلا ياثر على تتر النيوكاسل
ودى احد القياسات المعملية بالاليزا
لما اتعمل اليزا
كان لما حصنا نيوكاسل لوحدة
كانت النتيجة mean titer = 6202
CV = 50%
فى حين مع الجمبورو
كان mean titer = 1905
CV = 128%
يعنى خلى الغلبان يدخل الجسم الاول وياخد مكانة وبعد حصن المفترى
+++++++++++++++
طيب هل فية تاثير للجمع بين ال IB والنيوكاسل
بكل اسف
النيوكاسل فى وجود تحصينة الاىبى ضعيف جدا
وبلاش كثر ارقام لمناعات وتترات عملناها
لكن خلاصة القول
ان الاى بى بيسيطر على المستقبلات
فمش بيعطى اى فرصة لالتحام فيروس النيوكاسل اللى فى التحصين باى مستقبل تنفسى
خاصة فى الجزء العلوى من الجهاز التنفسى
وطبعا كتير من الاخوة المختصين يقولو مش تحصن ثنائى نيوكاسل اى بى الا من صنع الشركة نفسها
اقولهم بكل اسف
حصن ثنائى من اى شركة تختارها وقيس تتر النيوكاسل وسوف تفاجئ بالنتيجة
يعنى
خلاصة القول ابعد عن الشر وعنيلة
+++++++++++++++
على هامش تاثيرات التحصينات على بعض
الجمبورو بيعطل جدا تحصينات الانفلونزا ايضا وبيخلى افرازها فى الجسم بطئ جدا يعنى علشان تبدا تعملى مناعة بعد 15 الى 22 يوم كالمعتاد فى وجود الجمبورو بتتاخر الى ما بعد ال28 الى 32 يوم
بس احنا مش هنتكلم عن علاقة الجمبورو بالانفلونزا لان من حسن الحظ ان تحصينات الانفلونزا ميت فشغلها فى اتجاة والجمبورو فى اتجاة اخر
لكن لو تداول انفلونزا حى وقتها هنتكلم بالتفصيل عن العلاقة بين التحصنتين
خلاصة القول
وانت بتحصن نيوكاسل
لا تخلطة مع بى بى
لا تخلطة مع جمبورو
انتبة الى الفترة بين التحصينات
افهم ميكانيكية عمل كل تحصين علشان تطبق صح
اعرف لية بتصاب بالنيوكاسل مع انك محصن
واسف جدا على الاطالة
مع انى كنت عاوز اطول الشرح واحط ارقام ومواقف حقلية لكن انا عارف ان الناس بتمل من البوستات الطويلة
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم