عائلة الماكروليد واستخداماتها البيطرية للدواجن

عائلة الماكروليد
نظرا لاهميتها فى مجال الدواجن
ونظرا الى انتاج انواع جديدة منها كل فترة
هنستعرض بعض الفارما الخاضة بالعيلة مع بعض الجديد منها
----
هى مجموعة مكونة من حلقة لاكتون مركزية اختلاف افراد العيلة على حسب عدد الذرات اللى بتشكل حلقة الاكتون المركزية دى الى بتصل من 12 الى 16 ذرات لاكتون دائرية
يعنى هتلاقى ادوية 14 ذرة لاكتون دائرية زى الارثرومايسين والكلارثرومايسين
اخرى 15 ذرة الازثرومايسين والجامثرومايسين (( دا اللى قلنا علية اخر ماكروليد بيطرى نازل ))
وفية ال16 ذرة لاكتون زى (( جوزاميسين - اسبيراميسين - تلميكوسين - تيلوزين - تيلوفالوسين (الافلوسين)))

اول افراد العائلة او ابوهم هو الارثرومايسين مكتشف عام 1950 من مادة عضوية اسمها استربتومايسس اريثروس Streptomyces erythraeus
واكتشف بعدة الاسبيراميسين عام 1960
ومن اول عام 1990 وبدا جيل جديد من العيلة دى نصف مخلق للاستعمال البشرى
فخرجت فرع لعيلة الماكروليد اسمها ازاليد اشهر منتج للفرع دا الدوا البشرى الشهير ازيثرومايسين azithromycin,
الفرع دا بيحتوى على ذرة نتيتروجين زيادة بتجعلة اكفا بكتير عن باقى العيلة
بس دا بشرى
والبيطرى من نفس الفرع اسمو الجامثرومايسين دا بمجرد ما ينتشر فى الدواجن هيكون فتاك على الميكوبلازما
فية فرع اجدد من الازاليد اسمة كيتوليد Ketolides دا هيكون الجيل الجاى فى العشر سنين القادمة الكيتوليد دا مثل telithromycin و cethromycin
خليكو فاكرين الاسماء دى لانها هتكون النقلة العلمية والحقلية للاصابات التنفسية فى الطيور
فى اوربا ماكروليد جديد اسمة Tulathromycin شغال على المواشى فقط والى الان مفيش منة فى الشرق الاوسط
احنا مش بنعقد الناس
لا
احنا بس بنطلعة على الجديد بشكل علمى
فية ملحوظة هامة على عائلة الماكروليد وهى ان افضل نتيجة منها بتكون فى درجة حموضة 8 يعنى لو اضفت لها مضاد سموم حمضى قللت من مفعولة
كمان لو عملت سقوة احماض سواء مضاد سموم حمضى او حتى الخل العادى علشان ترفع حموضة الجهاز الهضمى فدا حكمت على اى ماكروليد بضعف الكفاءة
----
الماكروليدات بتقضى على الميكروب ازاى؟؟
بتمنع تخليق البروتين من خلية الميكروب عن طريق اتحادها ب وحدة الريبسوم 50S
علشان كدا بيسمو العيلة دى موقفة للبكتيريا وليست قاتلة
وعلى فكرة نفس طريقة عمل عائلة اللنكوزاميدات بالظبط (( لينكومايسين - كلينداميسين ))

علشان كدا بتوع الفارما بيقولو ان العيلتين مش ينفعو مع بعض لانهم لهم نفس الهدف على جدار خلية الميكروب لكن بكل اسف احنا بنخلطهم
بس احنا بننقل الكلام كلة بامانة علمية
الماكروليد بتقضى على بكتيريا موجبة جرام زى الاستربتوكوكاس والاساف والانتيروكوكاس
ووبعض المراجع بتقول انة بتاثر على بعض البكتيريا سالبة الجرام زى الباستريللا والكامبيلوباكتر
وطبعا ماثرة جدا على الميكوبلازما بجميع انواعها
بس اعتقد ان اللى بياثر على السالب الجرام هو الانواع الجديدة فقط مثل الازثرومايسين azithromycin بسبب مقدرتة على اختراق الغشائين الداخلين للبكتيريا
الماكروليدات تعتبر محفزة للمناعة على عكس كتير من المضادات الحيوية اللى بتقلل المناعة فهى بتحسن من الفاجوسيت
الماكروليدات بتتنشر بسرعة جدا فى انسجة الجسم
وبيتم تمثيلة فى الكبد واخراجة عن طريقة المرارة ويرجع للجسم تانى مما يطيل فاعلية الدواء
من اهم عيوب الماكورليدات انها مهجية للانسجة خاصة عند الحقن
فكلنا عارفين ان حقن التيلوزين بيعمل عرج
العيلة مشهورة انها بتخرج من الجسم بسرعة وبتمتص بسرعة
لكن لو حطينا سقوة قبلها بفيتامين هـ هيتاخر اخراجها من الجسم لمدة من 12 الى 15 ساعة
وخاصة الانواع الجديدة منها مثل التيلوفالوسين
يعنى يكفيك فقط انك تعطى سقوة 12 ساعة قبلها الفيتامين وبكدا بعتبر حطيت الدوا 24 ساعة
ملحوظة هامة
الكلاريثومايسين والازثرومايسين فقط للاستعمال البشرى
ونحذر من استعمالة فى الدواجن بسبب اهميتة فى الانسان فى بعض الامراض الهامة
فلو استعملتهم فى الدواجن قلت اهميتهم فى البشر مما ينتج بكتيريا وامراض فى البشر مش من السهل علاجها وممكن حد من عيلتك يكون محتاج دواء قوى مثل تلك الادوية لعلاج حالة خطيرة لكن حضرتك استعملتة فى الدواجن ويكون فى اثر فى اللحم مما يسبب عدم جوى الدواء فى الانسان
انا معاك ان بعض الادوية القديمة مش قوية مثل الارثرومايسين
لكن عندك (( جوزاميسين - اسبيراميسين - تلميكوسين - تيلوزين - تيلوفالوسين (الافلوسين)))
كلهم مازلو ماثرين جدا فى مجال الدواجن
واذا كنت منتظر الجديد والاقوى
فعندك الجاميثرومايسين و Tulathromycin وغيرهم كتير تحت التجربة
فمفيش داعى تزحم البشر فى علاجهم
لو حسيت ان البوست معقد سيبك منة
فية غيرك مستفيد منة
المادة العلمية للبوست تمت مراجعتها من قبل
SAGAM: الفريق الاستشاري العلمي المعني بمضادات الميكروبات

اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم