فنيات مهمة فى العلائق بصفة عامة والبياض بصفة خاصة

فنيات مهمة فى العلائق بصفة عامة والبياض بصفة خاصة تعالى نشوف الطير عاوز كم جرام كالسيوم علشان ينتج بيضة
طبعا استهلاك العلف اليومى للطير الواحد بيختلف من 90 جم الى 135 جم
لاكن احنا هنخليها 100 جم يومى علشان نعرف نحسبها
ومن المعروف ان الاستفادة من العلف بتكون بنسبة من 60 الى 70% ودى على حسب حاجات كتير
طيب والطير عاوز من 18 الى 22 ساعة علشان يسحب الكالسيوم من الدم ويكون القشرة
بمتوسط 20 ساعة
وهو عاوز 115 ملجرام لكل ساعة
يعنى القشرة كلها 115 * 20 =وبعد القسمة على 1000 علشان نحولها لجرام 2.3 جم
طيب يبقى الطير عاوز كم جرام كالسيوم من ال100 جم اكل اللى متاح منهم 65% فقط
100 فى 2.3 على 65 هيطلع 3.5% كالسيوم ودا اللى الطير عاوزة
طبعا هى بتعرلى عن كدا لان الطير استهلاكة اكثر من 100 جم بعد الانتاج
طبعا هى ليها حسبة تانية على حسب نسبة الانتاج لاكنها هتعمل نفس النتيجة
طيب كل الكالسيوم دا مش هيستفاد منة من غير وزنة مع الفوسفور ودى معلومة معروفة
طيب
** الفوسفور
الفوسفور دا عنصر هام جداجدا فى حاجات كتير بس عاوزين نتكلم عنة بخصوص علاقتة بالكالسيوم فقط
طيب لية اوقات الناس بشتكى ان الكالسيوم كويس ومع ذالك فية بيض برشت كتير او بيض ضعيف القشرة
ودا سبب كتابتى للبوست دا
الا وهو الفوسفور
معلومات سريعة عن الفوسفور
هى نسبتة عالية جدا فى معظم النباتات بس لحكمة ربنا ان ثلثة فقط هو المتاح والثلثين غير متاح بيكون فى صورة حمض معقد شوية اسمة الفيتك اسيد
الحكمة الاهية فى دى ان لو كل الفوسفور متاح هيطلع مع الزرق وهيخرب الارض
لاكن خلينا فى اللى يخصنا
ان نسبة الفوسفور ازاى تكون متاحة
ليها طريقتين
الاولى استعمال مصادر حيوانية لانها غير معقدة زى النباتية لان الاختيار دا ناس كتير مش بتحبة
الاختيار التانى استعمل حاجة تحرر الفسفور من الفيتك اسيد اللى هو انزيم الفيتيز دا موجود طبيعى فى النباتات بردة وخبرا التغذية بيضيفوة صناعى علشان توازن الفوسفور مع الكالسيوم
خلاصة القول
ان نسبة الفوسفور سهل الهضم((مش اى فوسفور))
هى من اهم الامور اللى لها دور فى سلامة وجودة القشرة
اتمنى يكون الشرح سهل والصورة وصلت لكل الناس
مع تحياتى وشكرا