الطريقة المثلى للمحافظة على اللقاح فى ماء الشرب

الطريقة المثلى للمحافظة على اللقاح فى ماء الشرب
احنا كتبنا فى بوستات سابقة كل شئ خاص بموضوع الحفاظ على التحصينة فى المية
وذكرنا اضافة اللبن منزوع الدسم
وكلنا عارفين ان اضافة اللين من اهم فوايدة معادلة الاملاح الضارة فى المية والتى تاثر بالسلب على قوة التحصين
ومن اهمها الكلور


فمن المعروف ان الكلور الخام بيضاف على اى مية بمعدل 0.5 الى 2.5 جزء فى المليون حتى يتم تعقيم المية من اى ملوثات مرضية
طيب الكلور بمعدل 0.1 الى 0.2جزء فى المليون ppm قادرة على التخلص من اى اى بكتيريا
وانة بتركيز 0.3 الى 0,5 قادر على اى فيرس
طيب هل الللبن قادر فعلا على انة يحمى التحصينة من تركيزات الكلور والاملاح الاخرى
شوف


احنا كنا زمان بنستعملة وكنا مطمئنين لكن مع المستحدثات الجديدة
نقدر نقول ان موضوع ان الللبن يظبطلك ويحافظ على تحصينك دا متوقف على
تركيزة
وتركيز الكلور وغير من الاملاح الضارة
وهل تركيزة ممكن يقضى على اى اثر للكلور او يترك جزء من الماء المكلور اللى يقلل من تاثير التحصينة
طيب هتقولى انا بستعملة بكمية اكثر الا وهى 5 جرام على اللتر مع اننا طول عمرنا بعملة 2 الى 3 جرام
هقولك انا كمان بستعملة ب5 الى 7 جرام كمان علشان اكون حريص
طيب فية مشكلة تانية خاصة باستعمال اللبن غير التركيزات
هقولك بكل اسف


استعمال اللبن بيعمل بيئة خصبة جدا لزيادة عدد المستعمرات البكتيرية الموجودة فى طبقة البيوفيلم اللى فى خطوط المية
( ودى عملنا لها 3 بوستات تفصيلية وعرفنا اضرارها وازاى نتعامل معاها )
علشان كدا كتير من الخبراء الحقليين بيلاحظو اسهالات بنية بعد التحصينة ب24 الى 48 ساعة بسبب الحمل البكتيرى فى المواسير دا
طيب هل فية جديد فى المجال دا
يجنبنا تغذية المستعمرات دى
هقولك ايوة
وانا كمهندس عاطف عبد الدايم اشتغلت بكل المنتجات دى
هو مش جديد عند الشركات لكن حبينا يكون بين ايد كل مربى
وهى وجود منتجات بديلة عن اللبن تعمل عبارة عن صبغات اامنة
لها اكثر من فايدة
اهمها معادلة الكلور والاملاح الضارة
تظبيط الوسط الحمضى او ال ph بحيث يناسب التحصين
وبسبب احتواءة على صبغة فى الغالب زرقاء بنعرف نميز الطير اللى شرب من اللى مش شرب التحصين
فبتلاقى لسانة ازرق
يعنى لها اكثر من فايدة
وعلشان يكون البوست بتعنا كامل من كلة حبينا نجمع المنتجات دى ونعرضها على حضراتكم
وهى
افى بلو لشركة لوهمان Avi-blue
سيفاميون لشركة سيفا Cevamune
فاك باك بلس لشركة ميريال Vac-Pac Plus
وهننزل صور لكل المنتجات حتى يكتمل الموضوع
ملحوظة اخيرة
الشركات دى عاملة تجارب على منتجاتها وبتقول انها بتحافظ على تتر اللقاح اطول من اللين
حاول تجدد فى شغلك واشتغل بالحديث
وجنب نفسك تبعيات الشغل القديم
اللهم اجعل عملنا هذا خالص لوجهك الكريم
مع تحياتى وشكرا