التحصينات الحيه تحصينات الدواجن وسبب كوارث ما بعد التحصين هااام لكل مربي

التحصينات الحيه ...التحصينات الحيه تحصينات الدواجن التسمين تحصينات الدواجن البلدى تحصينات الدجاج البياض اسعار تحصينات الدواجن برنامج تحصين الدواجن البيضاء اسماء تحصينات الدواجن تحصين الدواجن من عمر يوم تحصين الجمبورو

الف باء تجريع التحصينات ...وقاعده طوووويله عريييضه ...ان التحصين الحي لا ولم ولن يتم اعطاؤه الا للحيوان او الطير السلييييييم ...حاجه تانيه وحقيقه ثابته عن التحصينات الحيه قالوهالنا اساتذتنا ف الجامعات هم وبيعلمونا ...ان التحصين الحي شر لابد منه ...لدفع ما هو اشر منه ...واخد بالك من كلمة شر دي :-)
يخالجني شعور ان مواعيدىالتحصينات ال بتتكتب للمربين سواء من المشرفين اياً كانو بيعتبرها المربي قرآن ولازم تتاخد ف مواعيدها ...وبينسو هم ومشرفينهم القاعده الاولي في اعطاء التحصينات الحيه
...شئ بيتسبب ف كوارث ومعاجن و خراب بيوت
فيه حاجه اسمها Pre_vaccination clinical and physical examination for target animal or bird ..او الفحص الجسماني والاكلينيكي للطير او الحيوان المستهدف ف التحصين ....حاجه بيغفل عنها ناس كتيييير للاسف وبيكون كل ال ف باله اني عايز احصن علشان ارفع المناعه وخلاص وبتنجان وباباغنوج وحاجات زي كدا ...بيبص يلاقي الدنيا اتطربقت :-(
لازم وحتما ولااااااااابد ان الكائن المستهدف من التحصين الحي لااازم يكون صحيح متصحح جسمانيا واكلينيكيا وفسيولوجيا ومناعيا ومن كاااافة النواحي الوظيفيه الحيويه..
الكلام دا مش بس قبل التحصين لا وبعده ...لازم تكون ضامن وبنسبه كبيره ان الطير مش هيتعرض لاي عامل اجهاد لانه بالفعل التحصين بيجهده وكلما زادت عوامل الاجهاد زاد التمهيد للكوارث والاندلاعات الكارثيه
بمعني ...
اي كتكوت عنده مشاكل حاليه او هيتعرض لمشاكل او اجهادات ف فتره صغيره بعد التحصين ...ببساطه كدا ....لاااا يتم تحصينه ...قولا واحدا
نفصصها كدا ..
كتكوت عنده اسهال ...ايا كان نوعه ...لااا يُحصن ...سواء شرب او تقطير او رش
اي كتكوت عنده اعراض تنفسيه ...لاااا يُحصن ..سواء شرب او تقطير او رش
اي كتكوت شهيته قليله دون الطبيعي ...لااااا يُحصن
عارف انه عندي موجة حر او برد بكره وبعده او انا بالفعل ف موجة حر او برد ...نووووو تحصين
عارف انه عندي موجة خماسين واتربه او انا بالفعل فيها ....نووووو تحصينات
اضطرتني الظروف للتغيير لنوع علف اخر ومعروف انه مش كويس ...اثناء عملية الشيفتنج والانتقال ...نووو تحصينات
لا ولن ولم يتم التحصين بالتحصينات الحيه الا بعدرازالة عامل الاجهاد ومتتابعاته ..ايا كان الاجهاد دا سواء بيئي او بايولوجي او كيميائي او فيزيائي ..الخ ايا يكن لااااابد من ازالته وازالة ما نتج عنه ...بعدها احصن ..
في ظل وجود عوامل الاجهاد وتوابعها ...لا يتم التحصين ...ويتم تأخيره يوم او اتنين او تلاته او حتي يتم الغاؤه نهااااااااائيا ...مش مشكله ....هيكون افضل واحسن بكتير من التحصين في ظل العامل الاجهادي وتوابعه ...
المرونه هي سمة جداول التحصينات الحيه ...وياريت قبل ما احصن اتابع المشرف بتاعي ...هااا يا إداره انا عندي تحصينة حيه كذا ..نعمل ايه ...الاداره بقي هتقيم الوضع الاكلينيكي للقطيع وهل يصلح ام لا للتحصين ...ونفس النظام للساده المشرفين التاكيد ع الناس والتشديد علي اعطاء تقرير كامل للقطيع قبل اي تحصينه حيه ...
ملحوظه ...النيوكاسل وبالاخص التحصين الاضطراري منه واضطراري دي تحتها كتييير مش كلمه وخلاص ...النيوكاسل والجدري هم شواذ القاعده العريضه ال اتذكرت ف اول البوست ...وهنتكلم عنها بالتفصيل لاحقا ان شاء الله