بحـث
 
 

نتائج البحث
 

 


Rechercher بحث متقدم

المواضيع الأخيرة
» انشاء مصنع علف صغير / معدات مصانع الأعلاف / مشروع صغير / 01001160396
السبت فبراير 17, 2018 4:19 pm من طرف خطوط الانتاج

» مكبس وودبيليت WOOD PELLET 00201001160396
السبت فبراير 17, 2018 1:37 pm من طرف خطوط الانتاج

» نواقل واكسسوارات خامات العلف 01001160396/ أعمال محلية / معدات مصانع الأعلاف
الخميس فبراير 15, 2018 3:03 pm من طرف خطوط الانتاج

» خط انتاج المناديل المبللة ( سينجل وايبس ) 00201001160396
الخميس فبراير 15, 2018 12:01 pm من طرف خطوط الانتاج

» معدات مصانع الأعلاف بالتقسيط 01001160396 / خطوط انتاج الأعلاف / شركة الجوهري
الخميس فبراير 15, 2018 11:40 am من طرف خطوط الانتاج

» ماكينه صناعة أكواب البوب كورن الورقية 00201001160396
الخميس فبراير 15, 2018 9:34 am من طرف خطوط الانتاج

» وحدة التعبئة والتغليف – معدات مصانع الأعلاف 00201001160396
الأربعاء فبراير 14, 2018 3:43 pm من طرف خطوط الانتاج

» فاكيوم كوتر / معدات مصانع الأعلاف / خطوط اكسترودر لاعلاف الاسماك
الأربعاء فبراير 14, 2018 12:44 pm من طرف خطوط الانتاج

» انشاء مصنع علف صغير / معدات مصانع الأعلاف / مشروع صغير / 01001160396
الأربعاء فبراير 14, 2018 11:41 am من طرف خطوط الانتاج

أفضل الأعضاء الموسومين

مبرد الاعلاف

الثلاثاء فبراير 13, 2018 3:56 pm من طرف خطوط الانتاج

مبرد العلف  - معدات مصانع الاعلاف
مبرد الاعلاف
مبرد علف
مبرد العلف Cooler
مبرد العلف من شركة الجوهري المتخصصة في معدات مصانع الاعلاف وخطوط الإنتاج والميكنة الزراعية الحديثة .
مبرد العلف هو المسؤول عن عملية تبريد درجة …


تعاليق: 0

علاج اي بي الدواجن بالاعشاب مجموعة اعشاب تساهم في وقف نافق مرض ib

الأحد يوليو 24, 2016 11:57 pm من طرف thepoultrysite

علاج اي بي الدواجن بالاعشاب مجموعة اعشاب تساهم في وقف نافق مرض ib


وطبعا معروف اننا بقينا مرتع للفيروسات لكن أهمهم الإنفلونزا – الأى بى ... طب علاجه بيعتمد بشكل أساسى على رفع درجة الحرارة درجتين فوق معدلها الطبيعى .




طريقه



تعاليق: 1

تركيبين اعشاب للفيروسات مجربة واحدة فى المية والاخرى فى العلف

السبت يوليو 16, 2016 6:29 am من طرف thepoultrysite

تركيبين اعشاب للفيروسات مجربة واحدة فى المية والاخرى فى العلف
==========
كما وعدنا الاخوة الاعضاء امس
لعشاق الطب البديل او شغل الاعشاب
ونظرا لدخولنا الى دوات الشتا قريبا
اليكم التركيبة دى
150 جرام زنجبيل
300 جرام زعتر
250 جم …

تعاليق: 1

اعشاب لتقوية الجهاز التنفسي لدجاج التسمين الابيض والساسو - محاربة امراض الشتاء للدواجن التسمين

السبت أكتوبر 21, 2017 2:21 am من طرف thepoultrysite

اعشاب لتقوية الجهاز التنفسي لدجاج التسمين الابيض والساسو - محاربة امراض الشتاء للدواجن التسمين  


اعشاب لتقوية الجهاز التنفسي

اول واهم عشب الزعترthymeوده حاجة كده عالية ينتمي لعائلة النعناع يحتوي علي ثايمول لينولول …


تعاليق: 2

فوائد الثوم والبصل للفراخ - وكيفية استخدامها وجرعاتها الصحيحة للدواجن ابيض ساسو بلدي

الإثنين أكتوبر 30, 2017 3:18 am من طرف thepoultrysite

فوائد الثوم والبصل للفراخ - وكيفية استخدامها وجرعاتها الصحيحة للدواجن ابيض ساسو بلدي


إستخدام البصل والثوم والليمون والخل


خلطة لرفع الوزن في الدواجن البيضاء الساسو البلدي


فتح الشهية الدواجن الصيصان البلدي الابيض …



تعاليق: 1

جرعة الخل للدواجن,فوايد الخل للفراخ ,طريقةوكمية وجرعة الخل لكل مرحلة عمرية

السبت يناير 06, 2018 6:19 am من طرف thepoultrysite

جرعة الخل للدواجن,فوايد الخل للفراخ ,طريقةوكمية وجرعة الخل لكل مرحلة عمرية 


فوايد الخل كارخص حمض ودورة فى دواجن التسمين 


حتى البياض والامهات بيفيد بس دا عاوز بوست مخصوص

المهم

هنقول فوايد الخل ونقول كلام علمى يوضح …



تعاليق: 0

فوائد الخميرة البيرة للدواجن,جرعة الخميرة للفراخ كيف توزنها تعلم التربية الصحيحة

السبت يناير 06, 2018 6:18 am من طرف thepoultrysite

فوائد الخميرة البيرة للدواجن,جرعة الخميرة للفراخ كيف توزنها تعلم التربية الصحيحة


فوائد الخميرة البيرة للدواجن فوائد الخميرة للكتكوت الابيض الخميرة في تغذية الدواجن فوائد الخميره للبط


اضافة الخميرة واستعمالها فى مجال …



تعاليق: 0

علاج الكلوستريديا بالاعشاب

السبت يناير 06, 2018 6:11 am من طرف thepoultrysite

علاج الكلوستريديا بالاعشاب

علاج الكلوستريديا بالاعشاب اعراض مرض الكلوستريديا في الدواجن اعشاب للدواجن علاج الميكوبلازما والكوكسيديا في الفراخ البيضاء علاج الاسهال البنى فى الفراخ البيضاء علاج الكلوستريديا فى …



تعاليق: 0

استخدام مسحوق الثوم لتغذية الدواجن فوائد الثوم للدجاج البياض

الأربعاء يوليو 13, 2016 3:24 pm من طرف thepoultrysite

استخدام مسحوق الثوم لتغذية الدواجن 



فوائد الثوم للدجاج البياض



هناك العديد من الخصائص للثوم متمثلة فى:

1- يخفض من مستوى الشحوم فى الجسم hypolipidemic

2- يخفض من مستوى الضغط hypotensive

3- يخفض من مستوى السكر hypoglycemic

4- Hypothrombotic

5- …

تعاليق: 1

المتواجدون الآن ؟
ككل هناك 6 عُضو متصل حالياً :: 0 عضو مُسجل, 0 عُضو مُختفي و 6 زائر :: 1 روبوت الفهرسة في محركات البحث

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 24 بتاريخ الأربعاء أغسطس 24, 2016 7:12 pm

تاثير عائلات المضادات الحيوية على المناعة

اذهب الى الأسفل

تاثير عائلات المضادات الحيوية على المناعة

مُساهمة من طرف thepoultrysite في الأحد يوليو 24, 2016 10:28 pm

تاثير عائلات المضادات الحيوية على المناعة
كل المعلومات تم مراجعتها علميا ودعمها باخر ابحاث
احتفظ بالبوست دا عندك او اعملة شير على صفحتك هيفيدك جدا
---------------------
كتير من الاخوة المربين وكذالك المختصين يعتقد ان المضاد الحيوى طوق النجاة من الامراض خاصة البكتيرية
ولم يلتفت احد الى اضرار المضادات الحيوية
دا اولا
طيب مجال الدواجن الان بيمر بهجمات شرسة من الفيروسات
والكل مجمع على ان الطير لو كويس هتكون خساير الفيرس اقل
ولو كان جهازة المناعى جيد هتكون الخساير اقل
طيب تعالى نشوف تاثير بعض المضادات الحيوية على المناعة علشان واحنا بنتعامل مع الادوية نعرف هى عملت اية فى جسم الطير
خاصة تاثيرها مناعيا
وهتلاقى فى اخر البوست تفسير للكلام الحقلى اللى نزلتة اكثر من مرة
اللى بيقول ان فى الاصابة الفيروسية لما بعالج بالدوكسى النافق بيتضاعف
ركز معايا
طبعا هنجمع اراء علماء الفارما
اولا التتراسيكلينات
(دوكسى - كلوروتتراسيكلين - اوكسى )
زى ما ذكر Challem عام 1996 ودا باحث فى Baylor School of Medicine
ان العيلة دى بتمنع كرات الدم البييضا والخلايا الاكولة منها فى مهاجمة الميكروب
وبيسمى العليلة دا انها اسوء المجرمين ناحية المناعة
اما Banck & Forsgreen فقالو عن العيلة دى انها مدمرة لاى خلايا لمفية وطبعا احنا عارفين ان الخلايا
دى منتشرة بطول الجهاز الهضمى وبطانة اجهزة الجسم وهى المكون الاساسى للخلايا المعوية
وبيقولك ان الدوكسى
من اكثر المضادات الحيوية الاكثر عدو لللمف المفرز لخلايا بى اللى بتيجى من البيرسا وخلايا تى
اللى بتيجى من الثيموس يعنى بيثبط عملهم
ويقلل من شغلهم المناعى
وبكل اسف الخلية المناعية سواء بى او تى اللى تصاب او تسمم من الدوكسى مفيش منها فايدة
بيقولك ان الجسم المعرض للدوكسى لمدة 6 ايام بجرعتة العادية يصعب علية انتاج اجسام مناعية الى المفروض
احنا بننتظرها بعد كل تحصينة
اما Shils (1963) and Korkelia (1971),
قالو عن العيلة دى
ان حتى الاستخدام العادى والجرعة العادية منها لمدة معينة
بتمنع استقبال الاحماض الامينية لتكوين البروتين التخلقيى فى الاجسام المناعية
اما الاخ Grondel et al.
(1985a; 1985b) قال
ان استعمال العيلة دى حتى بتركيزات اقل منع تكاثر خلايا الدم البيضا يعنى نقص مناعى حاد
حتى فى الارانب بتعتبر العيلة دى او بتسمى المستنذفة المناعية
كل ما رفعت الجرعة كل ما اثرت بزيادة على الجهاز المناعى ككل
ونخص بالذكر الدوكسى
بنقول ابعد عنة لما يكون الجهاز المناعى تعبان
بالاضافة ان بيعمل فشل كلوى
يعنى عندك الكلية تعابة من جمبورو او اى بى خذارى من استعمالة
انا جمعت راى علماء الفارما علشان يكون الكلام حقلى وعلمى
واكيد الكل متذكر من تحذيرى من الدوكسى او من العيلة كلها فى حالة الاصابة الفيروسية
فاليوم حبيت اجيبلكم كلام علمى اكثر
عرفت لية الدوكسى والاوكسى بيزود النافق ؟؟؟
انا مش بقول نلغى استعمال العيلة دى لا
انا بقولك وانت بتستعملها افهم الامور دى الاول وبعد كدا تعرف تقيم نفسك
والبوستات الجاية هنذكر باقى المضادات الضارة للمناعة وتاثيرها لو حسينا ان البوست دا مهم عند الناس
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم
--------------------------------------
تكملة لسلسة تاثير المضادات الحيوية على المناعة
البوست اللى فات اتكلمنا عن تاثير التتراسيكلينات على المناعة وخاصة فى حالة الاصابة الفيروسية
وعقدناكم شوية
تعالى تعطيك امل ونفك التعقيدة دى بعائلة الماكروليد وتاثيرها على المناعة
طبعا العائلة دى زى
تيلوزين
اسبيراميسين
جوزاميسين
ارثرومايسين
العيلة دى بيقولو عليها خبراء الفارما
لان الجزيءات بتاعتها صغيرة جدا والانتشارية بتاعتها عالية فبتوصل لدرجة الالتصاق بكرات الدم البيضا ودا بيزود من حماية الكريات دى بالتالى زيادة فى المناعة عن طريق تقليل الهدم البيولوجى للكريات دى
يعنى مش بتتكسر بسرعة فبتعطى مناعة اطول بفضل التصاق عائلة الماكروليد بيها
وموضوع سهولة انتشار العيلة دى فى الجسم بيساعد فى زيادة المناعة الخلوية
وبيقولك ان الاستقبال على اى عضو من اعضائها (بس محددوش اى واحد فيهم )
بيخلى المناعة الامية تقل ببطئ مش زى المعتاد انها تقل بسرعة
الاخ Shryock واخرون
بيقول عن العيلة دى
انها بتقوى الخلايا المناعية الاكولة للبكتيريا الضارة اللى الجسم اتغلب عليها
نطلع من الموضوع دا ب
ان استعمال اى من العيلة دى فى حالة الاصابة الفيروسية يفيد مش هيضر
خاصة ان الاصابات الفيروسية التنفسيبة زى النيوكاسل والانفلونزا والاى بى ملاصق ليها الميكوبلازما واستعمال العيلة دى فى العلاج بيكون لة تاثير مضاعف
على العدوى الثانوية وعلى المناعة
هتسئلنى لية مش ذكرت التلميكوسين فى العيلة دى
هقولك لانة طلع وهم وحاجة خيال فى موضوع علاقتة بالمناعة علشان كدا هنخصصلة بكرة بوست لوحدة بفضل الله
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم
----------------------------------
تكملة لسلسة تاثير المضادات الحيوية على المناعة
فى البوست الاول اتكلمنا عن التترسيكلينات وشفنا اضرارها على المناعة
والبوست التانى اتكلمنا عن الماكروليدات وفوايدها للمناعة
بس تركنا احد افرادها لبوست لوحدة
الا وهو الساااااااااااااااااااااااااااااااحر
التلميكوسين
المختصين فى المناعة موهومين بية
وانا شخصيا بعتبرة انجاز
لما بتكون شركتة عاملاة كويس بيمسح الميكوبلازما مسح
لاكن خلينا نتكلم عن تاثيرة على المناعة
مختصى المناعة بيقولو ان المادة دى
بتزيد من المناعة الاساسية او الفطرية او ما تسمى innate immunity
بيزيد المناعة دى عن طريق 3 حاجات
_ اول حاجة بيجرى على الفاكوسيت فبيحميها من اى ماثر خارجى
_بيعمل هجرة او انجذاب كيميائى لمكان الاصابة او ما يسمى Chemotaxis
_بيعمل حماية للفاكوسيت من بعض الكيماويات الضارة
وعلشان نفسر كلمة بيجرى على الفاجوسيت دى
هنقول
ان كل ما زاد نشاط المضاد للدخول الى الخلية المناعية كل ما زاد تاثير الخلية دى على المسبب المرضى المتكونة علشانة
زى ما قال (Mandel, 1973; Meyer et
al., 1993)
ومش اى مضاد يقدر يخترق خلايا الفاجوسيت دى بسهولة زى ما بيعمل التلميكوسين
واكد العالمين Scorneaux & Shryock (1998a
ان عن المعالجة بالتلميكوسين واخذ عينة من الدم لوحظ تجمع كمية كبيرة حول كرات الدم البيضا مما يعنى حماية اكثر للخلية المناعية دى ويقلل التكسير او الهدم البيولوجى لها يعنى مدة مناعة اطول من المعتاد
وبردة لاحظو دا فى خلايا الماكروفاج
يعنى المادة دى بتنتشر انتشار واسع جدا فى معظم الخلايا المناعية اللى صعب دوا اخر يوصل لها
والسبب العلمى لموضع اختراق و انجزاب المادة دى للخلايا المناعية هو ان فية جزء محب للدهون وطبعا اى جدار خلوى مناعى بيكون مكون من جزء دهنى فهى بيدخل من الجزء دا
بيتميز المادة دى ان جدارها فية 2 مجموعة امين amine groups
مثلة مثل الدوا الجديد اللى اسمة ازثرومايسين azithromycin مش ارثرومايسين
ودا بيميزة عن باقى عيلة الماكوليدات (ارثرو - وتيلوزين - اسبيراميسين )
لان فيهم مجموعة امين واحدة مش اتنين
ودا اللى بيزيد قوتة حتى على الميكروب وبيكون صعب تكوين مناعة ضدة
ومعظم المهتمين بالمادة دى اجمعو ان بيطول عمر الماكروفاج وكرات الدم البيضا من 4 الى 6 ساعات بدون تكسير او هدم
ودا فى حد ذاتة زيادة فى المناعة
كما انة بيزيد قوة الفاكوسيت على الميكروبات
بردة بيحفز افرازات انزيمات هامة زى الlysosomal enzyme
ووجود مثل هذة الانزيمات بيدمر الخلايا البكتيرية المهاجمة للجسم واللى قدرت توصل الدم وتعمل بكتريميا
حقا انة مضاد حيوى يحترم
وعلى هامش الموضوع دا
فكل الماكروليدات الجديدة بينطبق عليها نفس الكلام
زى الازثرزمايسين
والكلارثرومايسين
وبكل اسف دول بشرى فقط لسة منزلش منهم بيطرى
انا لما كنت بعالج بيهم اى حالة تنفسية خاصة الميكوبلازما فعلا بيمسحوها مسح كنت بجيبهم بشرى قرص لكل 40 كيلو لحم
اعتذر لو كان فية مادة علمية ثقيلة فى البوست بس حاولت ابسطة بقدر المستطاع
ومن التفاعل مع البوست هعرف هل البوست مفهوم او لا
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم
----------------------------
تكملة لسلسة تاثير المضادات الحيوية على المناعة
فى البوست الاول شفنا التاثيرات السلبية لعائلة التتراسيكلينات
والبوست التانى شفنا مميزات عيلة الماكروليد على المناعة
والبوست الثالث خصينا بالذكر احد عائلة الماكروليد وهو التلميكوسين وشفنا تاثيرة الايجابى على المناعة
تعالى نشوف اليوم عائلة كانت بتحل كتير من المشاكل البكتيرية
هى فعلا اتمنعت فى بعض الدول زى السعودية وقل تواجدها فى مصر بسبب ان المنتج اصبح مغشوش
لاكن دا لا يمنع اننا نعرف تاثيرها على المناعة من باب العلم بالشئ
الا وهى عائلة الفلوروكينولونز
واخص هنا الانروفلوكساسين
نظرة سريعة عن المضاد دا
هو الجيل الثالث من العائلة دى
وهو تطور لحمض النالديكسيك اسيد اللى هو الجيل الاول من الفلوركينولونز
واضافو ذرة فلور الى ذرة الكربون السادسة فى تركيب الجمض دا علشان يعطى اختراق اكثر لخلية الجرثومية
وكانت الرائدة فى المجال دا شركة باير بمنتجها المميز جدا (البيتريل )
طيب سيبك من كل الكلام دا
طيب اية الجرعة المناسبة للدوا دا
هى 10 ملجرام لكل كيلو لحم
دى الجرعة الوحيدة اللى بتخلى الدوا يدخل الجسم بالتساوى ويتوزع ويعمل انتشارية عالية
وفى الاخر يخرج من الانبوبات الكلوية الى خارج الجسم
ودا اللى بيخلية بردة ممكن يعالج امراض الكلية البكتيرية
علماء الفارما بيقولو ان وضع الانرو بالتبادل مع ادوية اخرى
بيقل معاها حركة الدوا الاخر عن طريق الكبد
فبيقولك اما الكبد بيعطل الانرو او بيعطل الدوا التانى على حسب الفارماكوكينتيك بتاع الدوا الاخر
طيب تعالى ناخد مثال عن علاقة الانرو بتحصينة النيوكاسل علشان نفهم منها
هو تاثيرة اية على المناعة
علماء الفارما عملو تجربة على طيور متحصنة تحصينة نيوكاسل حى تقريبا كانت لاسوتا
واعطو الطيور جرعات مختلفة من الانرو
جرعة كانت وقائية نص مل على اللتر (طبعا الدوا كان 10% زى كتير من الادوية)
وجرعة كانت 1 مل على اللتر
وجرعة 2 مل على اللتر
وجدو ان الجرعة الوقائية بتعطى افضل مناعة وتاثير على تحصينة النيوكاسل
اللى هى نص مل على اللتر
وكل ما زادات الجرعة كل ما قل تتر النيوكاسل او قل كفاءة التحصينة
طيب تعالى نفهم اية علاقة الانرو بالمناعة
بيقولك ان الدوا دا سريع الانتشار وقاتل للبكتريا الموجبة والسالبة لجرام
يعنى يصلح تنفسى ومعوى
طيب
الدوا دا علشان انتشاريتة عالية فبيوصل لمعظم الخلايا المناعية بسرعة فبيحميها وبيعطيها وقت اطول
فبيقولك بمجرد اعطاء الانرو
بتلاقية بعد 6 ساعات بنسبة قليلة فى البيرسا والثيموس والطحال
اللى هى الاعضاء المناعية فبيعطلها قدرة مناعية اعلى
وبيقولك ان وجود بعض الاحماض مع الانرو بيدعم ثاثيرها وتنشيطها للمناعة
زى قال احد علماء الفارما بالتاذر العالى بينة وبين فيتامين سى (اسكوربيك اسيد )
وانهم مع بعض بيعملو افضل شغل مناعى بس فى حالة الجرعة الوقائية
عارف لية الجرعة الوقائية
لانة بطبيعتة قاتل للبكتريا
لاكن لما بيتاخد بجرعة اقل
بيكون قاتل فى مناطق فى الجسم اللى بيرحلها بسرعة زى الكبد والدم
وموقف او مثبط للبكتريا فى المناطق البعيدة زى الخلايا المناعية واللمفاوية ودا اللى بيسمح للجسم بالتعرف على الميكروب بعد ما الانرو اضعفة
فسهل على الجسم مقاومتة مستقبلا
علشان كدا بنقول بيرفع المناعة فى الجرعات الوقائية
لاكن للامانة العلمية
ان الانرو بالجرعات العالية ملوش تاثير عالى على المناعة يعنى لا بينشطها ولا بيثبطها
لاكن بالجرعات الوقائية زى نص مل على اللتر
او 1 مل على اللتر
علشان يشتغل قاتل وموقف للبيكتيريا فى نفس الوقت
اتمنى يكون البوست مفهوم
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم
----------------------------------------------------------
كتبنا قبل كدا عن التاثير المناعى للمضادات الحيوية
وتقريبا خلصنا كل المجموعات للمضادات الحيوية
لاكن بعض الاخوة طلبو تاثير الفلورافينكول بصفة خاصة لانة بيعتبر الحامى لو فية سالمونيللا او كولاى ولسة مفيش منة مناعة زى باقى المضادات علشان كدا الناس بتستعملة كتير
طيب تعالى نقول لحضرتك تاثيرة على المناعة
اولا الجرعة العلاجية بتاعتة هى 30 ملجرام لكل كيلو
وطبعا لانى اعشق موضوع عدم التقيد بالجرعة الموصى بها وعلشان اجعل من نتيجة المضاد فبعمل جرعة مضاعفة 60 ملجم لكل كيلو
واوقات اكثر
المهم فى الجرعات العالية المضاد دا بيقلل من كرات الدم الحمرا وبيكسرها فبيعمل انيميا الدجاج وبيقلل من الكرات البيضا والهيموجلوبين
بس مش بيعمل الانيميا دى لو اشتغلت بالجرعة العادية
بردة بيعمل نقص فى الخلايا الاكولة بجرعات عالية
وفى الجرعات العادية بيكون النقص دا غير ملحوظ
بردة بالجرعات العالية بيعمل على تاكل بعض مش كل
الخلايا اللمفاوية بتاعة الطحال والبيرسا
فى الجرعات العادية نقص او تاكل الخلايا دى مش باين قوى
لاكنة موجود
وباستخدام التحليل الطيفى للسيرم وجد ان بيقلل جدا من الجلوبيولين المناعى y
طبعا لو المضاد دا موجود فى الجسم او اثارة فبيقلل من تتر النيوكاسل ودى معلومة تقريبا الكل عارفها
من الكلام اللى فات دا يتضح الاتى
استعمالة بجرعات عالية بيعتبر مثبط مناعى
مع الجرعات الموصى بيها انا شخصيا بعترة مش مثبط لاكن بتوع الفارما بيقولو انة مثبط فى كل الاحوال ولو بنسبة بسيطة لاكن انا كرجل حقلى ممكن استعملة لمدة بسيطة ويكون فى الاوقات اللى لا يوجد مشكلة مناعية او تحصيات
اتمنى اكون وضحت الصورة عن المضاد اللى الدرسات علية قليلة دا
يارب يكون البوست افاد البعض
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم

thepoultrysite

عدد المساهمات : 444
نقاط : 1759
السٌّمعَة : 0
تاريخ التسجيل : 15/06/2016

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى