نموذج لحالة عرج فى دجاج تسمين

نموذج لحالة عرج فى دجاج تسمين
الحالة غريبة شوية مفيهاش غير عرج فقط مع قليل من الاسهال الا بيض وبدون نفوق عالى
ظهور العرج بعد تغير العلف من شركة الى اخرى
المشرف شرح النافق المتواجد مع بعض الطيور اللى بتعرج ولاحظ فيها نقص ملحوظ فى الكالسيوم متمثل فى لين المنقار وسهولة كسر الساق وما الى ذالك من الاعراض اللى كلنا عارفينها
قام المشرف باضافة املاح كالسيوم وفوسفور لمدة 48 ساعة
ومفيش تحسن يذكر
قام احد الزملاء بنصيحتة يضيف فيتامين د لوحدة (( فيتا دى ))
فخفت نسبة العرج بنسبة تتعدى ال75 %
يعنى بدال ما يطلع كل يوم 70 طير فى عنبر 5000
طلع حوالى 15 طير بعد اليوم الاول من العلاج
فكمل كمان يوم على الفيتامين والاملاح ولسة بيطلع ال12 الى 15 طير عرج
لما منع الفيتامين زاد نسبة العرج تانى مع ظهور نافق عالى شوية
وقل استهلاك العلف وظهر حالات خمول واعياء على الطيور
الى ان تم زيارة المزرعة
وهدانا الله الى السبب الحقيقى للعرج
خاصة لما وجدنا الاسهال الابيض وبعض الالتهابات الكلوية الخفيفة
ومع التاريخ المرضى تم التاكد من الحالة
وهو الاصابة بالاوكراتوكسين
ولما نزل مضاد سموم كويس بيولوجى ولما خلص منة نزل مضاد اخر كيمائى وعملة بالتبادل مع الخميرة توقف العرج بعد 36 ساعة من العلاج بمضاد السموم مع الاملاح فى نفس الوقت والفيتامين
والسبب العلمى للحالة هى
منع السموم لفيتامين د للصورة النشطة اللى بتسهل عملية امتصاص الكالسيوم وهى د3
لان العملية دى بتحصل فى الكلية والكلية تعبانة
كمان فتامين د3 دا مش بيحفز الكالسيوم الى لما يتحول لصورة نشطة والعملية دى بتتم فى الكلية
نطلع من دى باية
لو فية عرج وانت متاكد ان مفيش مسبب ميكروبى
انزل بالاملاح بالتبادل مع مضاد السموم هتلاقى العلاج اسرع
اللهم اجعل عملنا هذا خالص لوجهك الكريم
مع تحياتى وشكرا