اسباب عدم الشفاء من علاج حالة كوكسيديا مع استعمالهم بالتولترازوريل

كتير من الاخوة المربين وايضا المشرفين بيعانو من عدم الشفاء من علاج حالة كوكسيديا
مع استعمالهم بالتولترازوريل

او #الداى #كلاروزوريل اسباب عدم الشفاء من علاج حالة #كوكسيديا مع استعمالهم بال#تولترازوريل

واحنا قلنا قبل كدا
انهم من اقوى الادوية على الاطلاق اللى تاثر فى كل انواع الايمريا المسببة للكوكسيديا
طيب اية الحل
او لية الناس بتستعمل اقوى دوا ومع ذالك النتايج اقل كفاءة من ذى قبل
او لسة فية اعراض من كشة او اسهال مدمم او نافافق عالى
طبعا فية اكثر من سبب
مش عاوزين نخوض فيهم كلهم
بعيدا عن جودة المنتج سواء التصنيعى او من حيث التداول
ان الكوكسيديا بالذات من الامراض اللتى لا يصلح ان نعالجها بدوا واحد فقط حتى لو اخترنا اقوى حاجة
وهنحكى تجربة حقلية خاصة بيا
اول ما تنزل منتج الكليناكوكس من شركة يانسنج كنت وقتها بحب اشتغل كل شغلى على العلف علشان المية تكون فاضية طول الدورة (دى احدى المدارس اللى اثبتت كفاءة عالية معايا )
فكنت بحط علبة على الطن زى ما الشركة موصية
اول دورة لا يوجد اى اثر لاى كوكسيديا
وكنت بحب افحص اؤؤسيست بشكل مستمر لان كان عندى ميكرسكوب وكنت غاوى الموضوع دا
فكانت اول دورة لا اثر لاى اؤؤيسيت او ما يسمى بيض الكوكسيديا فى الامعاء
الدورة اللى بعدها عملت نفس الفكرة بدا يظهر اعراض كوكسيديا لكن بدون نافق والدورة عملت معايا نقص فى الاوزان بمعدل 150 جرام عن دورة اخرى لم تعامل لنفس الدوا
واتعجبت انى اشوف اؤؤسيست فى وسط الامعاء مع ان مفيش نافق ولا فية كمشان ولا اى ظاهرة تدل على كوكسيديا
اتعلمت من الدورة اللى فاتت بس لانى مغرم بالمنتج الجديد دا فمش عاوز اتخلى فبردة اشتغلت بية
بس حطيت علبتين على الطن يعنى ضاعفت الجرعة وكانت النتيجة الدورة دى جيدة
والدورة اللى بعدها بدا يظهر اؤؤسيست فى بعض مناطق الامعاء وحصل نفس الكلام الوزن طلع اقل بدون اى شكل مرضى للكوكسيديا
اخطات خطا جسيم فى الدورة اللى بعدها ( كنت لسة متخرج من الجامعة وكان الشق الحقلى عندة غير مكتمل وكنت بحب اجرب كل حاجة وقتها )
الخطا ان اشتغلت بعلبتين على الطن زى ما عملت فى الدور السابقة
وكانت النتيجة انهيار الدورة والتحويل والنافق والكمشان والاسهالات البنية المحمرة والبرتقالى
ولما شفت الاوؤسيست لقيت كمية كبيرة جدا منة ومنتشرة بطول الامعاء
يعنى اصبح اهم دوا للكوكسيديا فى وقتها عديم القيمة والحل انة يخرج من برنامجى تمام لمدة سنة
واشتغلت ببرنامج ايلانكو المشهور (ايلانوبان - ماكسيبان - مونتيبان )
المربين القدام عارفين البرنامج دا
وبدا اشتغل بطريقة مختلفة فى المية
وهى تغير ادوية الكوكسيديا اقل حاجة 3 مرات فى الدورة
خلاصة القصة دى لا تحكم على اهم دوا عندك بالاعدام او بعدم القيمة بانك تخلية دايما اختيارك الوحيد
اعتقد كدا الناس فهمت لية مادة التولترازوريل او الداى كلاروزوريل مش بتجيب نتيجة
طبعا لو حصل معاك كدا انزل باى منتج غير
واقوى دوا بديل ينفع بعد اخد مناعة من المركبات دى السلفاكلوروبيرازين او اى منتج بيحتوى عليها
طبعا الكلوبيدولات ايضا كويسة جدا
او منتجات السلفا المضاف لها حاجات تخفف تاثير السلفا على الكلى مثل ( داى فيردين - بريميثامين - ايثوبابيت )
اسف جدا انى طولت عليكم لانى عارف ان الناس مش بتحب تقرا البوستات الطويلة
لكن طالما طولت عليكم تعالى نقول حاجة حقلية خاصة بيا عملتها كتير
ازاى اعجل من نتيجة اى علاج كوكسيديا او اسهل علية شغلة واخلى المناعة ضدة مش تتكون بسرعة
هو انى احط سقوة بعدة مكونة من تفل الشاى الاحمر مع منقوع الارز
الخلطة دى بتشتغل اقوى من تاثير التانيك اسيد على الامعاء
الخلطة دى بتقلل العلاج باى منتج كوكسيديا اقل حاجة 12 ساعة
بتخلى اى جرعة كوكسيديا تعمل نتيجة اسرع من الطبيعى ب8 ساعات
اتمنى يكون السرد دا افاد البعض
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم